根據台灣《中央社》23號報導，澳洲華裔作家 楊恆均在今年2月被中國當局依間諜罪判處死刑、緩期2年執行後，中國資深獨立記者 高瑜在23號表示，楊恆均妻子 袁小靚在當日搭機飛往澳洲，相信已同國安單位達成協議，解除5年邊境控制。

高瑜在23號午，於個人推特X平台帳號發布上述消息。袁小靚就係知名親共網紅「染香」，又被反共人士稱為「大五毛」。高瑜表示，袁小靚離境前曾向公安部監獄管理局要求會見丈夫 楊恆均，但遭到官方拒絕。獄方僅轉達咗 楊恆均對佢嘅叮囑，包括「注意安全，好好保護自己」，以及「唔好同『民運分子』搞事」。

消息指，在2020年楊恆均被捕第2年，袁小靚曾經向法院提出離婚訴訟，法院通知用網路開庭，不過袁小靚立刻撤訴。佢表示，提出離婚嘅目的只係為咗同丈夫見上一面。袁小靚嘅女已經離開澳洲，赴法國讀大學。