根據台灣媒體24號報導，在台灣前總統 馬英九日前赴中國會見 習近平之後，中、台兩岸「觀光政策」將改變之傳聞不斷。中國國台辦發言人 朱鳳蓮在今日強調，將採取積極措施，推動包含旅遊在內嘅兩岸各領域合作。

有分析指，中共唔想「做球」俾台灣準總統 賴清德，但又要繼續為國民黨續命，以顯示「國民黨小弟有用途」。因此，在近期頻頻發動對台工作，要求國民黨籍立法委員 傅崐萁召集國民黨立委，組團前往中國做「效忠出訪」。外界相信中共將會在期間「做球」俾國民黨，利用「開放陸客遊台」來凸顯「聽話先有糖食」。

不過中共再次擺出高姿態，擺明只有國民黨咁樣「夠聽話」嘅代言人「先有機會同中共傾」，次次都將「開放陸客、開放水果、開放食品」都當作政治事件來玩弄台灣人，相信多數台灣人都「有眼睇」，早已認清現實並知道共產黨講嘢做事「根本不可靠」。